كل الشركات المتخصصة في صناعة الهاردوير دائمًا ما بيكون لها نظام تسمية خاص بيهاعشان تمييز القطع اللي تنتجها عن بعضها. زى شركة Intel مثلا
انتل بتقسم فئات المعالجات الرئيسية إلى Core i3 و Core i5 و Core i7 و Core i9 وكل فئة تمثل مستوى الأداء الذي يحصل المستخدم عليه بدءً من الأداء المنخفض مرورًا بالمتوسط وحتى الخارق.
لكن من بس الفئات هي اللي بتميز كل معالج إنتل عن التاني، ولو بصينا في اسم كل معالج هنلاقي أرقام وحروف تعبر عن خصائص المعالج بحد ذاته.
علطول بنشوف ارقام وحروف بعد اسم بروسيسورات انتل.... يا ترى اى معاني الارقام والحروف دى وبتدل على اى؟؟ وهل ليها فايده انك تقدر تحدد تشترى البروسيسور ده او لا ؟؟؟
الاجابه ببساطه .....اه الارقام والحروف دى مهمه جدا انك تقدر تتعرف علي البروسيسور وقدرته وتقدر تحدد اى واحد منهم يبقي مناسب اكتر للاستخدامك...
فى المقاله دى هنتكلم عن الحروف والارقام دى ...واى معناهم وبيدلو على اى بالظبط
فى البدايه خلينا نشوف الصوره دى الاول
ولو بصينا للصوره دى تحديدا فهنا هي تقدر فئه الكور
تاني حاجه بقي Brand Modifier وده تقدر تقول عليه رقم العلامه التجاريه وده بقي يتضمن سلسلة المعالجات Intel® Core ™ تتضمن العلامة التجارية معدلات I3، i5 و، I7، وI9. وطبعا معظمنا يعرفها
تالت حاجه ال Generation Indicator وده بيبقي مكون من اربع ارقام، يمثل الرقم الأول عادةً جيل البروسيسور .
على سبيل المثال ، المعالج بالأرقام 9900 هو معالج من الجيل التاسع ، في حين أن أحد المعالجات 8700 هو الجيل الثامن.
بعد كده هنلاقي ال SKU Numeric Digits بالنسبة لمعظم معالجات Intel® ، فإن الأرقام الثلاثة الأخيرة من رقم المنتج هي SKU. او ما يعرف ب كود التخزين التعريفي وده بيبقي عبارة عن ثلاث أرقام مثلا 900أو 420 وهكذا، وده بيبقي مقصود بيه خط انتاج المعالج وكمان كل كان الرقم أعلى كل ما كان أفضل ويوفرلك مميزات أكتر.
نيجي بقي لل Product Line Suffix ده بقي مؤشر رئيسي تاني لقدرات المعالج.وبيبقي عباره عن حروف فى سلسله ال core كل حرف منهم بيبقي مقصود بيه قدره معينه للبروسيسور سواء للاجهزه ال desktop او اجهزه ال laptop وده اللى يعتبر واحد من الحاجات اللي بتحدد بيها انك تشترى البروسيسور ده على حسب استخدامك او لا
وفى نفس الوقت دى واحده من اكتر الحاجات اللى بتسبب جدل ولخبطه كبيره لمعظم الناس ...
خلينا بقي نشوف كل حرف من دول بيعبر عن اى ...
بروسيسورK
وده معالج خالص بال desktop
وهو ببساطه البروسيسور القابل لكسر السرعه Overclocking معني كدا ان البروسيسور ده بيوصل لترددات عاليه جدا وده طبعا بيديك اداء اعلى ..بس شركه انتل مخصصه بوردات ال Z وده نوع البوردات اللى بيضمنلك انك توصل لاعلى تردد للبروسيسور فى الكسر مع اكتر استقرار وامان ممكن ودى البوردات الوحيده فى شرايح انتل اللى تقدر تقدملك ده
بروسيسور X
ده معالج خاص بال desktop..
وده المعالج الاكثر قوه واداء في فئه ال core من انتل . فلو كنت بتبحث على اداء خرافي حرفيا فى الفئه ف اكيد اختيارك لازم يكون هنا اكتر من اى معالج تانى من انتل عشان بيقدر يوصل لاداء وسرعه خرافيه وده السبب اللى خلي انتل تقتصر وجود البروسيسور ده فى I7 و I9 فقط ...ودى طبعا ليها بوردات مخصصه وهى بوردات ال x series
بروسيسور F
ده معالج خاص بال desktop ..
وده ببساطه وبمنتهي الاختصار مش بيختلف في حاجه عن البروسيسور ال normal غير انه بييجي للمستخدم بدون كارت شاشه داخلي مدمج وده طبعا بيخليه ارخص بعض الشيء
بروسيسور T
ده معالج خاص بال desktop..
معالجات حرف T بشكل كبير بتبقي موجوده في اجهزه ال All-in-one "الكل في واحد" المكتبية،الأجهزة دى عادة مزودة بأنظمة تبريد ضعيفة إلى حدًا ما مقارنة بالاجهزه العادية، وده عشان المعالج بيركز على إنتاج حرارة أقل من أي معالج تاني في فئة Core ولكن في المقابل بيكون الأداء منخفض جدًا ويستخدم بس فى المهمات الاساسيه ..وده طبعا تقدر تقول انه اخر بروسيسور ممكن تفكر فيه لو بتعمل تجميعه لل gaming
بروسيسور M
ده معالج خاص بال laptop...
معالجات حرف M موجهة بشكل خاص إلى أي جهاز محمول، سواء Ultrabooks أو Notepads أو Laptop ، دى معالجات مدمجة في المازربورد وتقدم أداء منخفض ومش بتستهلك كثير من طاقة البطارية.
بروسيسور U
ده معالج خاص بال laptop..
حرف U هنا اختصار ل Ultra-low power وده معناه انها معالجات موفرة للطاقة بشكل كبير لكن ده بيبقي على حساب الأداء، وبيكون بين منخفض ومتوسط ،قدرة المعالجات دى على توفير الطاقة جعلتها منتشرة جدًا في الlaptop اللي تعتمد على البطارية عشان تقدر تفضل شغاله لفترات أطول. وبالتالي فده مش بيخليها احسن حاجه ممكن تختارها للألعاب أو للاستخدام الثقيل.
بروسيسور Y
ده معالج خاص بال laptop...
تقدر تقول معالجات إنتل حرف Y تعتبر الأسوأ من ناحية الأداء والأفضل من ناحية توفير الطاقة،انتل صممتها بهدف أنها تقدم أقل مستوى مطلوب من الأداء وتستهلك أقل قدر ممكن من الطاقة لدرجة تصل إلى 5 واط فقط.
بروسيسور H
ده معالج خاص بال laptop...
معالجات حرف ال H هي في الغالب معالجات موجهة للlaptop المصممة للألعاب،بس الفكره ان حرف H هنا مش بيشير لأداء المعالج نفسه بس بيكون مقصود بيه كارت الشاشة المدمج في المعالج واللى بيكون بأداء عالى.وعشان كده شركات صناعة الlaptop بتستخدمه في أجهزتها من الفئة المتوسطة أو العليا.
بروسيسور HK
ده معالج خاص بال laptop...
معالجات HK مش بتختلف كتير عن معالجات H، فهي برضو بتحتوي على كارت شاشة مدمج بأداء عالي وموفرة للطاقة إلى حد ما. لكن الاختلاف الوحيد بيكون في قابلية كسر السرعة، فبتكون معالجات Unlocked وبالتالي يمكنك رفع التردد بشكل وآمن بدون مشاكل للحصول على أداء اكبر.
بروسيسور HQ
ده معالج خاص بال laptop...
معالجات HQ هي كمان مش بتختلف كتير عن معالجات H لكن بتبقي موجهه بشكل اكبر للجيمنج بالدرجة الأولى وتحتوي على معالج رسوميات بأداء عالي جدا،عشان كده بتكون المعالجات دى فى ال i5 أو i7 فقط.
يعني تقدر تقول انك لو بتبحث عن laptop gaming ف اكيد هيبقي ده اول اختياراتك.
إرسال تعليق