فى المقاله ده هنتكلم عن شويه مفاهيم غلط تخض الهادروير عند جزء مش قليل من الناس شويه حاجات بتلخطب الناس بتعمل عندهم جدل مش بسيط
1-اول حاجه انتل ل gaming و amd للمونتاج
العباره دى علطول بتتقال ...فى الواقع الكلام ده مش صح 100% بالرغم انه يبان ان جزء فيه قريب م الصح طيب اى الموضوع ...الفكره ان المقارنه بين الشركتين بشكل عام وواسع بالمنظر ده مش صح طبعا ...بمعني اني مينفعش اقول ان ال i9 10900k مينفعش للمونتاح ..او ان اداء ال 3600 وحش فى الالعاب....ف لو هتقارن لازم تقارن بين معالجين من نفس الفئه وكمان نفس الفئه السعريه او على الاقل قريبه منها ...
انما الجزء الصح فى الموضوع اللى كنت بتكلم عنه ان انتل طول الوقت كانت بتقدم معالجات تمتاز بقوه ال single core وهو ده اللى كان بيديها فارق ف الالعاب ..كمان انتل لحد فتره مش بعيده كان اقوى معالج فى فئه ال consumer بييجي ب 16 ثريد بس .......دلوقتى بقي ryzen بيقدم اداء فى الالعاب كويس جدا وهتقلا معالج زى 3600 بيتقارن بمعالجات مش قليله من انتل .......كمان انتل فى الجيل العاشر نزلت معالج ب 20 ثريد ده طبعا مش احسن حاجه ف حين ان ryzen بتيجي ب ثريد اكتر بكتير وده اللى بيديها اداء اكبر بكتير من انتل فى المونتاج او اعمال ال multitasking بشكل عام ....
المهم انك لما تيجي تشترى حط ادامك ميزانيه محدده وحدد منها قيمه المعالج وساعتها شوف القيمه دى تجيبلك اى من انتل او رايزن وساعتها قارن بينهم حسب احتياجك.
2-تاني حاجه بقي اجهزه الاستيراد وحشه وبتبوظ بعد فتره ......الكلام ده برضو مش صح 100% ومش معني كلام انى بقولك اشترى استيراد بس انت لازم تعرف ان الاجهزه دى لو قررت انك تشتريها لازم تعملها اختبارات كويسه جدا عشان تتاكد من سلامتها وتكون جايبها فى الاساس من حد مضمون ولومناسبه ليك يبقي مفيش مشكله (ان شاء الله هيكون فيه بوست قريب جدا هنتكلم فيه عن الاتسيراد بشكل مفصل جدا اوى الفرق بينه وبين التجميع وامتي تشتريه )
3-تالت حاجه بقي تخص كارت الشاشه وموضوع ال up to ده .......مبدئيا كده مفيش حاجه اسمها ان الكارت ده 2جيجا اب تو 8جيجا زى م بنسمع من التجار وكل لما تزود رامات الجهاز الكارت بيعلي معاك طبعا الكلام ده بلح تماما ولو الحكايه كده مكنش حد غلب كان اى حد جاب كيسه بكارت ضعيف 1جيجا مثلا وحط فيها 32 جيجا رام وخد نصهم للكارت وبقي عنده كارت اب تو 17جيجا ...
الفكره ان التجار بتقول الحاجات دى عشان تسوق لحاجتها وعشان تشترى رامات تاني بمبلغ تاني وفى الاخر هو كسبان ...وبتعتمدو فى كده ان فى بعض الكروت القديمه من amd كانت بتستخدم ال shared memory عشان ترفع كفائتها بنسبه مش بطاله ...بس ده طبعا ملوش اى علاقه بان دى حاجه ملهاش حساب مهو مش كتر رامااات زرود شاورمه يعني😂 لان ده طبعا كان بياثر علي اداء الجهاز بسبب جزء الرام اللى بيستخدمه الكارت ..
4- هو انا بنفع اغير بروسيسور ال laptop الاجابه ببساطه لا طبعا الا في حالات نادره جدا وده بيرجع لبنيه وتصميم ال laptop من الاساس
5- هو انا ينفع ازود او اغير كارت الشاشه بتاع ال laptop الاجابه برضو لا وبرضو نفس السبب اللى فوق مع انه فى بعض الحالات ممكن تعمل فيها كده لل laptop اللى بتيجي بمخرج ال thanderbolt وتقدر توصل عليه الكارت نظرا للي بيقدمه المخرج ده من قوه تستوعب ده بس برضو فى الاخر التجربه دي مش بتبقي احسن حاجه وحتي لو ظبطتت معاك ف انت كده بوظت فكره ال laptop الاساسيه وهي انك تتحرك بيه ..ساعتها هتلاقي نفسك ماشي بعيل صغير ملزوق ف جلابيه ال laptop بتاعك ومحتاج تخلي بالك منه بشكل مبالغ فيه .......وطبعا اوعي تنسي انك فى الاول والاخر ملتزم بالمعالج اللى فى ال laptop اصلا عشان ال bottelneck في الاول والاخر دى تجربه اثبتت فشلها من كل النواحي
فى الاول والاخر لازم تعرف ان تصميم ال laptop بشكل عام مش بيسمح بتغيير غير حاجات محدوده جدا زى الرمات والهارت وال ssd فى بعض الاحوال
6- كروت الشاشه من amd وحشه وكمان بتسخن ودرجه حرارتها مبالغ فيها ....بص بقي فى الجزء ده مش صح وفي نفس الوقت مش غلط بمعني ان كروت amd كويسه جدا كسعر مقابل اداء ولكن فى بعض الاوقات ومع بعض الكروت بيبقي فيه شويه حراره زياده ولكن مش بتبقي الاوفر اوى يعني وتقدر تسيطر عليها بتهويه كويسه ....
ودلوقتى الكروت اللى بتقدمها amd اتطورت جدا فى الفتره اللى فاتت وبقت بتقدم اداء ممتاز يخليها الخيار الاول لكتير من الناس كسعر مقابل اداء وان كانت طبعا لسا في حته زياده لصالح nvidia بتتفوق فيها على amd في سوق الكروت .....انما المشكله اللى ممكن تضايقك فعلا فى amd فى كروتها هو السوفت وير بتاعها
إرسال تعليق