ظهرت مراجعة شاملة لمعالج Intel Core i9-10900K المعالج الجديد من انتل هييجي ب 10 انويه و 20 ثريد المراجعه دى ظهرت على واحد المواقع التقنية الصينية المعروفه ،
نتائج الاختبار كشفت أن معالجات Intel القادمة احتمال كبير انها تلاقي فرصه للمنافسه مع معالجات AMD زى التنين
Ryzen 9 3900X في كل حاجه تقريبا العاب وغير الالعاب كمان مع انه جاى بعدد نواتين أقل
بس من ناحيه تانيه ان التنين المجنح الاخر من AMD وهو ال Ryzen 9 3950X كان متفوقه عليه فى كل الاختبارات ال Multicore وده عشان فرق الثريد طبعا بين المعالجين
من ناحيه تانيه تماما بقي ومع التفوق ده لانتل بسبب الترددات العاليه اللى جاى بيها المعالج للاسف كان فيه خساره اكثر من 20% فى معدلات استهلاك الطاقه وطبعا الحراره كانت عاليه بالتبعيه عشان طبعا القاعده هنا بتقول - كلما زاد استهلاك الطاقه زادت الحراره -وده مع انه جاى بنواتين اقل من منافسه التنين بتاع AMD
الفكره بقي ان النتايج ف الغالب منطقيه لحد كبير وده طبعا راجع لان معالجات انتل جايه بنفس المعماريه ونفس دقه التصنيع
بس برضو مش هى دى المشكله الوحيده من وجهه نظرى ....المشكله ان لسا متحددش معاد تواجد معالجات انتل ف السوق واعتقد ان عقبال ده ما يحصل هيكون الجيل الجديد بتاع رايزن على وشك النزول وده هيحط انتل ف مازق كبير لان ده هيخليهم دايما AMD سابقاهم بخطوه لانهم كل ما بينزلو جيل جديد عشان ينافس الجيل الحالى من رايزن تقوم AMD منزلين جيل اقوى يخليهم دايما سابيقين انتل وده طبعا حاطط انتل طول الوقت فى موقف محرج جدا
اما بقي من ناحيه الالعاب ف الموقع عرض benchmark لثلاث العاب وهما Assassin’s Creed Odyssey و Tomb Raider و Metro Exodus طبعا الختبارات دى كانت بنفس السيستم من كارت الشاشه و رامات والباقي
السؤال هنا بقي هل نقدر نقول ان دى النتائج النهائيه ......رائي الشخصي لا ...احنا محتاجين نستني الاطلاق الرسمي للمعالجات وساعتها هنقدر نراجعها بنفسنا ونحكم عليها ف انتظروا مراجعتنا المفصله ليها وقت نزولها هنا على موقعنا وكمان على قناتنا على يوتيوب .....
إرسال تعليق